Tu âs cirût la peraule
monolengâl
torne indaûr

monolengâl

tirâ indevant loc.v.
Lâ indenant, movisi indenant, soredut cence fermâsi
sinonims
lâ indenant, lâ indevant, lâ vie dret, lâ dret, lâ dilunc, tirâ dilunc, tirâ indenant
esemplis
"tu tira indevant e va ta ultima cjamara"
gjavât fûr di "Storia dai trê nerans" di Ranieri Mario Cossâr
tirâ indevant loc.v.
Lâ indenant a jessi o a compuartâsi intune cierte maniere o a fâ alc
sinonims
lâ indenant, lâ indevant, lâ vie dret, lâ dret, lâ dilunc, tirâ dilunc, tirâ indenant
esemplis
"il peleâr al tirà indavant cul so discors: "Une ate raritât, che a si cjate dongje Lauc, a Cjavuians, a son las casses dai Gans [...]""
gjavât fûr di "Al marcjât di Vile" di Luigi Gortani
tirâ indevant loc.v.
Vê une cierte durade
sinonims
lâ indenant, lâ indevant, lâ dilunc, tirâ dilunc, lâ a dilunc, tirâ a dilunc, tirâ indenant
esemplis
"a jerin agns une vore biei ca in Friûl, sedi pal estri creatîf sedi pe situazion politiche sociâl, che a tirarin indevant dal 1945 al 1955"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
tirâ indevant loc.v.
Vivi, sostentâsi, lavorâ e v.i., intune cierte maniere che e pues jessi specificade o soredut a la mancul piês (coloc.)
sinonims
lâ indenant, tirâ indenant
esemplis
"o speravi che sore mi ves dât almancul un cuatri zumielis di farine tant di tirâle indevant par vuê"
gjavât fûr di "La fuiace de Madone" di Catarine Percude
tirâ indevant loc.v.
Movi indenant
sinonims
tirâ indenant
esemplis
"ognidune e veve di tocjâi lis guarnizions di aur o i ricjins, di regolâi une plete dal vistît blanc di nuviçâl, di tirâi indevant o indaûr la blonde"
gjavât fûr di "La aghe da pît la cleve" di Dino Virgili
tirâ indevant loc.v.
Puartâ indevant une ativitât in mût che no si fermi o ancje fâ lâ indevant, fâ procedi, fâ cressi alc di imateriâl tant che une idee, un valôr, une tradizion e v.i.
sinonims
tirâ indenant, parâ indenant, puartâ indevant, mandâ indenant, mandâ indevant, parâ indevant, puartâ indenant
esemplis
"mi doi di maravee che tancj furlans, nassûts a Toronto, a si sintin ancjemò furlans. E a son bulos chei che a tirin indevant i Fogolârs"
gjavât fûr di "Robis di no crodi" di Enos Costantini
tirâ indevant loc.v.
Fâ in mût che a sedin avonde risorsis par lâ indenant
sinonims
tirâ indenant, mandâ indenant, parâ indenant, tignî sù
esemplis
"oms e feminis a lavorin par tirâ indevant la lôr famee"
gjavât fûr di "A mi ce mi impuartial?" di David Zanirato
torne sù